Kókshetaýda 20 jasar jigit kópqabatty úıdiń shatyrynan sekirip ólmek boldy
KÓKShETAÝ. QazAqparat - Kókshetaý qalasynda 20 jastaǵy jigit 6 qabatty turǵyn úıdiń shatyrynan sekirmek boldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimeti boıynsha, 2019 jylǵy naýryzdyń 24-de tańǵy saǵat 09:16 Aqmola oblysynyń polıtsııa departamenti jedel basqarý ortalyǵynyń «102» nómirine Kókshetaý qalasynyń turǵyny habarlasyp, 8 mart kóshesi 113 mekenjaıy boıynsha ornalasqan 6 qabattyń turǵyn úıdiń tóbesine 20 jasar jigittiń júrgenin aıtqan.
«Áıeldiń sózinshe, jigit telefon arqyly bireýmen qatty sóılesip, ózine ózi qol jumsaıtynyn aıtqan. Jedel basqarý ortalyǵynyń qyzmetkerleri aqparatty shuǵyl jergilikti polıtsııa qyzmetiniń qyzmetkerlerine joldady», - deıdi polıtsııa departamentiniń baspasóz qyzmeti.
Oqıǵa ornyna dereý «Ásker-30» avtopatrýl qyzmetiniń qyzmetkerleri, aǵa serjant Nursultan Kenjebekov, aǵa serjant Abylaı Ábilov jáne kapıtan Abzal Isın jetti.
«Turǵyn úıdiń shatyry eńkish bolǵandyqtan, júrý qıyn boldy. Tipti jas jigit te, polıtsııa qyzmetkerleri de abaı bolmasa, qulap ketýi múmkin edi. Shatyrǵa shyqqanda qandaı kúıde boldyń degende aǵa serjant Nursultan Kenjebekov «qaıǵyly oqıǵanyń jolyn kesýge úlgermeı qalamyn dep qoryqtym» dep jaýap berdi. Onyń sózinshe, sál keshikkende nemese abaı bolmaǵanda, oqıǵa qaıǵyly aıaqtalýy múmkin edi», - dep tolyqtyrdy vedomstvodan.
Polıtsııa qyzmetkerleriniń shıraq qımylynyń arqasynda jigit qutqaryldy.
«Bul jerde polıtsııa qyzmetkerleri jyldam qımyly men ómirin qaýipke tigý arqyly bul jalǵanmen qoshaspaq bolǵan jigit aman qaldy», dep atap ótti polıtsııa departamentiniń baspasóz qyzmeti.
Sýıtsıd jasamaq bolǵan jas jigitpen psıhologtar jumys júrgizip jatyr.
