Kókshetaýda 20 páterli turǵyn úı karantınge jabyldy
KÓKShETAÝ. QazAqparat - Kókshetaýda 20 páterli turǵyn úı karantınge jabyldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Aıta keteıik, 1 sáýirde Kókshetaý qalasynda koronavırýs ınfektsııasynyń juǵýynyń alǵashqy jaǵdaıy anyqtalǵan bolatyn. Ony birden jedel járdem qyzmeti Áýelbekov kóshesiniń boıyndaǵy 167 úıdegi páterinen alyp ketti. Osydan keıin turǵyn úı karantınge jabyldy.
«Úsh tártip saqshysynan turatyn birinshi aýysym tańǵy saǵat 09:00-den keshki 21:00-ge deıin. Ekinshi aýysym keshki saǵat 21:00-den tańǵy 09:00-ge deıin kezekshilikte bolady. Bul podezge kirip, shyǵýǵa qatań tyım salynǵan. Qajetti azyq – túlik pen dári-dármekti maska, qolǵa kıgen týystary men volonterler jetkizip beredi. Sonymen qatar, aqparat almasý úshin atalmysh úıdiń turǵyndarynan «WhatsApp» messendjerinde top ashylǵan.
«Engizilgen bul sharalar azamattardyń qaýipsizdigin qamtamasyz etýge jáne qalada panemııanyń ózge adamdarǵa taralaýyn toqtatýǵa baǵyttalǵan»,- deıdi Kókshetaý qalalyq PB jergilikti polıtsııa qyzmeti bólimi bastyǵynyń orynbasary Asqat Kenjetaev.
