Kókshetaýda 2 jasar búldirshin besinshi qabattan qulap ketti
KÓKShETAÝ. QazAqparat – Kókshetaýda 1 jas 8 aılyq bala besinshi qabattan qulap ketti, dep habarlaıdy QazAqparat tilshisi PD baspasóz qyzmetine silteme jasap.
Vedomstvonyń málimetinshe, qazannyń 4-de Kókshetaý qalalyq polıtsııasynyń kezekshi bólimine jedel járdem kóliginiń feldsheri habarlasqan. Ol Aqmola oblystyq kópbeıindi balalar aýrýhanasyna besinshi qabattan qulap, «jabyq bassúıek jaraqaty, mıy shaıqalý, ishinen soqqy alý» dıagnozymen 1 jas 11 aılyq ul balanyń jetkizilgenin aıtqan.
«Tekserý kezinde sábıdiń sol kúni saǵat 14:15 kezinde besinshi qabattaǵy terezeden qulaǵany anyqtaldy. Sábıdiń anasy ol ýaqytta as bólmede túski as daıyndap jatqan. Anasyna balanyń qulaǵanyn syrtta jylap jatqan balany kórgen kórshisi habarlap aıtqan», - deıdi vedomstvodan.
Qazirgi kezde osy jaǵdaı boıynsha Qylmystyq kodekstiń 141-babynyń 1-bóligi boıynsha sotqa deıingi tergeý amaldary júrip jatyr.
