Kókshetaýda 2-shi Halyqaralyq komedııalyq qoıylymdar festıvaliniń úzdikteri marapattaldy
KÓKShETAÝ. KAZINFORM – Kókshetaýda Qazaqstannyń halyq jazýshysy, Memlekettik syılyqtyń laýreaty, jazýshy-dramatýrg Sáken Júnisovtiń 90 jyldyǵyna arnalǵan «SÁLEM» 2-shi Halyqaralyq komedııalyq qoıylymdar festıvali aıaqtaldy.
Shahmet Qusaıynov atyndaǵy Aqmola oblystyq qazaq mýzykalyq drama teatrynda Qazaqstan, Ázerbaıjan jáne Túrkııanyń jetekshi teatrlarynyń ujymdarynyń qatysýymen ótken festıval tórt kúnge sozyldy.
Kókshelik kórermender teatr sahnasynda Roza Baǵlanova atyndaǵy «Qazaqkontsert» memlekettik akademııalyq kontserttik uıymynyń, «Astana Musical» memlekettik teatrynyń shyǵarmashylyq ujymynyń (Reı Kýnıdiń «13 nómiri»), S.Muqanov atyndaǵy memlekettik qazaq sazdy-drama teatrynyń (J.B.Molerdiń «Sarań»), Ǵ.Músirepov atyndaǵy Memlekettik akademııalyq balalar men jasóspirimder teatrynyń (Baqqoja Muqaı «Toıy kóp úı»), S.Seıfýllın atyndaǵy Qaraǵandy oblystyq akademııalyq qazaq drama teatrynyń (E.Jýasbek. N.Jumanııazov Úılený»), J.Shanın atyndaǵy Shymkent qalalyq akademııalyq qazaq drama teatrynyń («Óldik te qurmetti boldyq»), Túrkistan qalasynan R.Seıtmetov atyndaǵy sazdy-drama teatrynyń (A.Aılarovtyń «Kelisimshart boıynsha qalyńdyq»), Túrkııa Respýblıkasynyń Stambýl Memlekettik teatrynyń «Professıonal» spektakliniń, Ázerbaıjan Respýblıkasynyń Memlekettik «Pantomım» teatrynyń («Poslednıı shtrıh») ártisteri usynǵan qoıylymdardy tamashalady.
Quramynda TÚRKSOI múshe elderdiń memlekettik teatrlary basshylary keńesiniń úılestirýshisi, Ázirbaıjan ókili Elchın Gafarlı, Ázirbaıjandaǵy Eýrazııalyq teatr qaýymdastyǵynyń ókili ıÝsıf Djafarov, teatrtanýshy, Temirbek Júrgenov atyndaǵy Óner akademııasynyń «Teatr óneri jáne teorııasy» kafedrasynyń professory Merýert Jaqsylyqova, Temirbek Júrgenov atyndaǵy Óner akademııasynyń professory, doktor ónertaný Nurpeıis Baqyt jáne qazylar alqasynyń tóraǵasy, Qazaqstannyń eńbek sińirgen ártisi, professor, pedagog Rahılıam Mashýrova sahna sheberlerine baǵasyn berdi.
Festıval qorytyndysy boıynsha «Úmit» atalymy – 300 myń teńge aqshalaı sertıfıkatpen Sábıt Muqanov atyndaǵy oblystyq qazaq sazdy-drama teatrynyń «Sarań» komedııasy, «Qazylar alqasynyń arnaıy júldesi» – 300 myń teńge aqshalaı sertıfıkatpen Raıymbek Seıtmetov atyndaǵy Túrkistan qalasynyń sazdy-drama teatrynyń «Kelisimshart boıynsha qalyńdyq» qoıylymy (Avtory: Asahmat Aılarov, Qoıýshy rejısseri: Nurjan Іztaev), «Úzdik er adam» beınesi atalymy – 400 myń teńge aqshalaı sertıfıkatpen Ǵabıt Músirepov atyndaǵy Memlekettik akademııalyq balalar men jasóspirimder teatrynyń «Toıy kóp úı» komedııasyndaǵy (Avtory: Baqqoja Muqaı, qoıýshy rejısseri: Murat Ahmanov) Zańǵar róli úshin Safýan Shaımerdenov, «Úzdik áıel adam beınesi» atalymy – 400 myń teńge aqshalaı sertıfıkatpen Jumat Shanın atyndaǵy Shymkent qalalyq akademııalyq qazaq drama teatrynyń «Óldik te qurmetti boldyq» qoıylymyndaǵy (Avtory: Holık Hýrsandov, rejısseri: Bekbolat Qurmanǵojaev) Aıdana róli úshin, QR Mádenıet salasynyń úzdigi Nurjamal Qalambaev, «Úzdik akterlyq dýet» atalymy – 500 myń teńge aqshalaı sertıfıkatpen Túrkııa Respýblıkasynyń Stambýl Memlekettik teatrynyń «Professıonal» qoıylymyndaǵy (Avtory: Dýshan Kavakaevıch, qoıýshy rejısseri: Yshyl Kasapoǵly) rólderi úshin Ietkın Dıkındjıler jáne Bıýlent Emın ıArar, «Úzdik pantomımalyq qoıylym» atalymy – 600 myń teńge aqshalaı sertıfıkatpen «Poslednıı shtrıh» qoıylymy (Avtory jáne rejısseri Han-zade, Bahrýz Ahmedlı) úshin Ázerbaıjan Respýblıkasynyń Memlekettik «Pantomım» teatry, «Úzdik akterlyq ansambl» atalymy – 800 myń teńge aqshalaı sertıfıkatpen «Úılený» qoıylymy úshin (Avtory: E. Jýasbekov, qoıýshy rejısseri: N.Jumanııazov) Sáken Seıfýlın atyndaǵy Qaraǵandy oblystyq akademııalyq qazaq drama teatry, «Úzdik komedııalyq qoıylym» atalymy – 1 mıllıon teńge aqshalaı sertıfıkatpen «Nomer 13» qoıylymy úshin (Avtory: Reı Kýnı, qoıýshy rejısseri: E.Nurtazın) «Astana Musical» memlekettik teatry marapattaldy.
Buǵan qosa, Qazaqstannyń halyq jazýshysy, Memlekettik syılyqtyń laýreaty, jazýshy-dramatýrg Sáken seri Júnisovtyń 90 jyldyq mereıtoıyna oraı 2-shi halyqaralyq «SÁLEM» komedııa teatr festıvalin joǵary deńgeıde uıymdastyryp, teatr óneriniń damýyna qosqan úlesi úshin Aqmola oblysy ákimi Marat Ahmetjanovtyń atynan 1 mıllıon teńge aqshalaı sertıfıkatyna Shahmet Qusaıynov atyndaǵy oblystyq qazaq mýzykalyq drama teatry ıe boldy.
Aıta ketsek, budan buryn Qoshqarbaev pen Nurmaǵambetovtiń mereıtoıyna arnalǵan saptyq án baıqaýy ótkenin jazǵan edik.