Kókshetaýda 19 jastaǵy jigit saýda úıiniń terezesinen qulap mert boldy
KÓKShETAÝ. QazAqparat – Kókshetaýda 19 jastaǵy jigit saýda úıiniń 3-qabatynan sekirip mert boldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, 9 sáýirde Kókshetaý qalalyq PB kezekshi bólimine jedel járdem feldsheri habarlasyp, oblys ortalyǵyndaǵy saýda úıleriniń birinde jas jigittiń kóz jumǵanyn aıtqan. Er adam jedel járdem brıgadasy kelgenshe kóz jumǵan.
«Oqıǵa ornyna barǵan jedel-tergeý toby kóz jumǵan er adamnyń 19 jastaǵy jergilikti turǵyn ekenin anyqtady. Ol sáýirdiń 9-da keshki saǵat 18:40 shamasynda saýda úıiniń 3-qabatynan sekirip sýıtsıd jasaǵan», - dedi vedomstvonyń baspasóz qyzmetindegiler.
Qazirgi kezde, osy oqıǵa boıynsha tártip saqshylary tekseris júrgizýde.
