Kókshetaýda 19 jastaǵy qyz tórt kúnnen beri tabylmaı jatyr
KÓKShETAÝ. QazAqparat - Aqmola oblysynda 19 jastaǵy boıjetken tórt kúnnen beri tabylmaı jatyr, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 19 maýsymda Kókshetaý qalalyq PD kezekshilik bólimine 19 jastaǵy jergilikti turǵyn habarlasyp, 2001 jyly týǵan sińilisi Anastasııa Aleksandrovna Romasıýn izdep tabýǵa kómek surady. Turǵynnyń aıtýynsha, Anastasııa jumysyna ketip, qaıtyp oralmaǵan.
Anastasııa ústine qara-jasyl tústi djınsy kúrtke, aq krassovka, sury djınsy kıgen. Boıy 175-177 sm, shashy qońyr tústi. Sol qolynda tatýırovka bar.
Áriptesteriniń sózinshe, ol 18 maýsymda saǵat 15:00 shamasynda áriptesterimen sózge kelip qalǵan. Keıin zattaryn alyp, belgisiz baǵytta ketip qalǵan. Uıaly telefony sol kúni tús kezinen saǵat 22:00 deıin qosýly turdy da odan keıin óship qalǵan.
«Boıjetkendi izdeýge departamenttiń jeke quramy jumyldyryldy. Polıtsııa qyzmetkerleri joǵalǵan qyzdyń júrgen jerin biletin adamdar bolsa, «102» arnaıy jelisine habarlasýdy suraıdy», - deıdi vedomstvodan.
