Kókshetaýda 18 jastaǵy jigit súıiktisine gúl urlap, syılamaq boldy
KÓKShETAÝ. QazAqparat - Kókshetaýda tanysyna gúl urlap, syılamaq bolǵan 18 jastaǵy jigit ustaldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, aǵymdaǵy jyldyń 1-shi sáýir kúni Kókshetaý qalalyq ІІB kezekshilik bólimine gúl satatyn dúńgirshikterdiń biriniń satýshysy aryzdanǵan.
Aryzdanýshynyń sózine qaraǵanda. sol kúni onyń dúńgirshigine jas jigit kelip, bir shoq gúl, oıynshyq jáne quttyqtaý hatyn tańdaıdy. Sol sátte kúdikti satýshyǵa baıqatpaı gúl men oıynshyǵyn alyp, izim ǵaıyp bolady.
Degenmen, kúdikti alysqa qashyp úlgermeıdi. Satýshynyń shaǵymy boıynsha oqıǵa ornyna dereý jetken «Ásker-3» avtopatrýl ekıpajy kúdiktiniń izine túsip, zattaı aıǵaqtarymen qolǵa túsiredi.
Kúdiktiniń túsiniktemesi boıynsha ol gúldi óziniń tanysyna syılamaq bolǵan. Alaıda, aqshasy bolmaǵan soń, urlap alýdy jón kórgen.
«Qazirgi kezde atalǵan oqıǵa boıynsha QR QK 191 babynyń 1 bólimi boıynsha qylmystyq is qozaldy. Atalǵan sanktsııa boıynsha kúdiktiniń qylmysy dáleldense, ol 2 000 AEK boıynsha aıyppul tóleýi nemese 4 jylǵa deıin bas bostandyǵynan aıyrylýy múmkin», dep túsindirdi polıtseıler.
