Kókshetaýda 150 eski turǵyn úı renovatsııadan ótedi

ASTANA. KAZINFORM – Bıyl Aqmola oblysynda 530 myń sharshy metr turǵyn úı paıdalanýǵa berildi,  osylaısha 5 myńnan astam otbasy baspanaly body.

- Bıýdjet esebinen 9 kóppáterli turǵyn úı salynyp, paıdalanýǵa berildi. Jyl aıaǵyna deıin taǵy 16 turǵyn úı beriledi. Memleket basshysynyń tapsyrmasy boıynsha halyqtyń áleýmettik osal toptary daıyn páterlerdi satyp alý arqyly baspanamen qamtamasyz etiledi. Bul mehanızm kópbalaly otbasylar, jetim balalar jáne basqa da azamattar úshin turǵyn úı máselesin jedel sheshýge múmkindik berip otyr, - dedi Aqmola oblysynyń ákimi Marat Ahmetjanov óńirdiń áleýmettik-ekonomıkalyq damý jaǵdaıy boıynsha esep berý barysynda.

Óńir ákimi keltirgen derekke súıensek, bıyl 736 páter satyp alyndy, jyldyń sońyna deıin taǵy 104 páter satyp alynady. Oblysta sońǵy 5 jylda 2 064 otbasy baspanamen qamtylǵan, bıyl 2 276 otbasy úıli boldy.

- Kókshetaý qalasynda turǵyn úı qoryn jańartý baǵdarlamasy bastaldy, qala boıynsha 11 aımaqty anyqtadyq. Atap aıtqanda 150 eski úıdi kezeń-kezeńmen renovatsııaǵa kiristik. Bul shara jańa áleýmettik nysandar, turǵyn úıler, saıabaqtar men balalar alańdaryn salýǵa múmkindik beredi, - deıdi ol.