Kókshetaýda 15 jyl jóndeý kórmegen kóshe jańartylady
KÓKShETAÝ. QazAqparat - Kókshetaýda 15 jyl jóndeý kórmegen Vavılov kóshesi jańartylady. Bul týraly aımaq basshysy Málik Myrzalınniń atalmysh kósheni aralap, turǵyndarymen ótkizgen kezdesýinde aıtyldy, dep habarlaıdy QazAqparat tilshisi.
Kezdesýde, aımaq basshysyna Kókshetaý qalasynda kúrdeli jóndeý jumystary júrgiziletin kóshelerdiń qurylys jobalary tanystyryldy. Qala ákimi Ermek Marjyqpaevtyń aıtýyna qaraǵanda, bıylǵy jazda «Kókshetaý-Zerendi» kúre jolynan bastap Jaılaý yqsham aýdanyna deıingi 1,8 shaqyrym kóshege jóndeý jumystaryn júrgizý josparlanyp otyr. Vavılov kóshesi 15 jyldan beri jóndeý kórmegen. Tipti, buryndary asfaltta tóselmegen eken. Eki jylǵa arnalaǵan jobany 2018 jyly bastap, 2019 jyl aıaqtaý josparlanǵan. Munda úsh jolaqty 1853 shaqyrym tas tóseletin bolady. Sonymen qatar, baǵdarsham, aıaldamalar ornatylyp, jol jıeginde sýaǵarlar, kólik turaqtary salynyp, gúlzarlar otyrǵyzylyp, kóshe tolyǵymen jaryqtandyrylady. Osy mańdaǵy úsh kósheniń qıylysqan jerinde baǵdarshamdar men jaıaý júrginshiler joly da bolady.
Jobany talqylaýǵa osy kósheniń boıyndaǵy jekemenshik úılerde turatyn turǵyndar da qatysty. Belsendi toptyń jetekshisi Sabyrjan Dúısenov kógaldandyrý jumystaryna turǵyndarda atsalysatynyn atap ótti.
