Kókshetaýda 13 jasar jóspirimniń ólimine qatysty qylmystyq is toqtatyldy
KÓKShETAÝ. QazAqparat - Kókshetaýda iz-túzsiz joǵalyp, keıin orman alqabynan óli denesi tabylǵan 13 jasar Á.Haıdarovanyń ólimine qatysty qylmystyq is toqtatyldy, dep habarlaıdy QazAqparat tilshisi oblystyq PD baspasóz qyzmetine silteme jasap.
20 tamyzda Kókshetaýdyń irgiesindegi Krasnoıar selosyndaǵy Nurly kósh kentinde 2007 jylǵy Á.Haıdarova úıinen shyǵyp qaıtyp oralmaǵan bolatyn. Artynsha 28 tamyzda jasósipirimniń óli denesi tabylyp, odan zorlyqpen óltirý belgisi anyqtaldy.
Osyǵan baılanysty poltsııa Qylmystyq kodekstiń 99-babynyń 3-bóligi «adam óltirý» boıynsha qylmystyq is qozǵady, keıin Qylmystyq kodekstiń 120-babynyń 4-bóligi «zorlaý» boıynsha qosymsha is qozǵaldy.
Іsti tergeý barysynda 10 astam sottyq saraptama júrgizilip, 100 adam túsinikteme alyndy. Zardap shekken men kúdiktiń júrgen joldary boıynsha ornalasqan syrtqy beınebaqylaý kameralaryndaǵy jazbalar, sondaı-aq, uıaly telefondary zertteldi.
Jedel-tergeý sharalary barysynda kúdikti anyqtalyp, onyń osy qylmysqa qatysy baryn jáne kinásin dáleldeıtin anyqtaıtyn aıǵaqtar tabyldy.
«Qylmystyq is materıaldarymen zardap shegýshi jaq ókilderi jáne kúdiktiniń anasy qorǵaýshysymen birge tanysty. Olar quqyq qorǵaý organdary tergeý sharalary kezinde tapqan aıqaqtarǵa qarysy bolǵan joq jáne kúdiktiniń ólimine baılanysty qylmystyq isti toqtatý týraly qabyldanǵan protsessýaldyq sheshimge kelisti», - dedi vedomstvonyń baspasóz qyzmetindegiler.
