Kókshetaýda 12 jastaǵy jasóspirimdi zorlaǵan pedofıl ustaldy
KÓKShETAÝ.QazAqparat - Kókshetaýda 12 jastaǵy jasóspirimdi zorlaǵan pedofıl ustaldy, dep habarlaıdy QazAqparat tilshisi.
Polıtseılerdiń deregi boıynsha kúdikti Býrabaı aýdanynyń 24 jastaǵy turǵyny.
Ol Kókshetaýǵa jumys izdep kelgen kórinedi. Qylmys jasaǵan kúni Kókshetaýdyń irgesindegi Krasnyı ıar kentine bara jatqanynda turǵyndar arasynda «Barmashıno» atalyp ketken shaǵynaýdandaǵy aıaldamalardyń birinde kəmelettik jasqa tolmaǵan qyzǵa kezigedi.
Keshkilik ýaqytta aram oıyn iske asyrý nıetimen jasóspirimdi əmııanyn joǵaltqan bolyp aldap, kózden tasa eski zırat mańyna alyp barady.
Sol jerde jasóspirimdi uryp-soǵyp, kúshtep zorlaıdy.
Eske sala keteıik, osyǵan deıin habarlaǵanymyzdaı, sumdyq oqıǵa aǵymdaǵy jyldyń 4 tamyzynda oryn aldy. Oblys ortalyǵyndaǵy "Barmashıno" shaǵynaýdany aýmaǵynda keshki saǵat 21:00-der shamasynda 12 jastaǵy jasóspirimdi zorlaǵan kúdiktige ishki ister organdarynyń qyzmetkerleri izdeý jarııalaǵan bolatyn. Tipti kúdiktiniń fotoroboty da jarııalandy. Nətıjesinde pedofıl jarty aıdan astam ýaqyttan keıin Kókshetaýdaǵy temirjol vokzaly mańynda ustaldy. Qazirgi kezde kúdikti qylmysyn moıyndap, ústinen QR QK 120 babynyń 4 bólimi boıynsha sotqa deıingi is qozǵaldy.
