Kókshetaýda 12 jastaǵy ul bala iz-túzsiz joǵalyp ketti
KÓKShETAÝ. QazAqparat - Kókshetaýda iz-túzsiz joǵalǵan 12 jastaǵy ul bala izdestirilýde, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, sáýirdiń 26-da saǵat 14:21 Kókshetaý qalalyq PB kezekshilik bólimine 1984 jylǵy er adam habarlasyp, 12 jastaǵy uly Sergeı Aleksandrovıch Krıvonojkony izdep tabýǵa kómek surady. Er adamnyń sózinshe, uly saǵat 13:00 shamasynda qaryndasyn №16 orta mektepke áketken. Sodan úıine qaıtyp kelmegen, qaıda júrgeni belgisiz.
Joǵalǵan bala ústine qara shalbar, qara krossovka, kók kúrtke jáne qara bas kıim kıgen.
Tártip saqshylary joǵalǵan balany kórgen adamdar nemese onyń joǵalǵanyna qatysty qandaı da bir aqparat biletin adamdar bolsa, birden «102» arnaıy jelisi boıynsha polıtsııaǵa habarlasýdy suraıdy.
