Kókshetaýda 12 jastaǵy bala júrgizgen kólik apatqa ushyrady
KÓKShETAÝ. QazAqparat - Kókshetaýda kólik júrgizgen 12 jasar bala jol-kólik apatyna tústi, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
«17 mamyrda keshki saǵat 22:00 shamasynda Kókshetaý qalasynyń 50 jastaǵy turǵyny úı aýlasynda «Mitsubishi Pajero» kóligin jóndep, qozǵaltqyshyn qosýly kúıde qaldyrǵan. Osy kezde, ákesiniń ruqsatynsyz kólikke otyrǵan onyń 12 jasar uly aıbasyzda kóliktiń berilis qorapshysynyń tutqasyn qozǵap jibergen. Saldarynan kólik ornynan júrip ketip, 8 Mart kóshesindegi turǵyn úıdiń aýlasyndaǵy metall qorshaýǵa soǵyldy», - dedi vedomstvodan.
DP baspasóz qyzmetinen atap ótkendeı, turǵyndar bolǵan oqıǵany uıaly telefonnyń beınekamerasyna túsirip, áleýmettik jelige salǵan. Nátıjesinde bir saǵattan keıin polıtsııa qyzmetkerleri júrgizýshini anyqtap, tártip buzýshyny QR ÁQbK-niń 611-baby 1-bóligi boıynsha ákimshilik jaýapqa tartty.
