Kókshetaýda 12 jasar jasóspirimdi ógeı ákesi kóshege qaldyryp ketken
KÓKShETAÝ. QazAqparat - Kókshetaýda ógeı ákesi kóshege qaldyryp ketken 12 jasar jasóspirim aman-esen tabyldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, 2019 jylǵy qazannyń 20-da Kókshetaý qalalyq PB kezekshilik bólimine oblys ortalyǵynyń turǵyny habarlasyp, 12 jasar ulyn izdestirýge kómek suraǵan.
Áıeldiń sózinshe, keshki saǵat 23:00-der shamasynda uly úıinen shyǵyp, keıin qaıtyp oralmaǵan.
«Jedel-izdestirý sharasy kezinde jaıaý patrýl qyzmetkerleri jasóspirimdi Kókshetaý qalasynyń Polevoı jáne Saın kósheleriniń qılysynda tapty. Kókshetaý qalalyq PB ıývenaldy polıtsııa ınspektorlary anyqtaǵandaı, túngi ýaqytta jasóspirimdi kóshege ógeı ákesi qaldyryp ketken. Tanysymen qosylyp ishimdik ishken er adam belgisiz jaqqa ketip qalǵan. Al, jalǵyz qalǵan jasóspirim týǵan ákesiniń mekenjaıyna jaıaý barmaq bolǵan», - deıdi vedomstvodan.
Kókshetaý qalalyq PB ıývenaldy polıtsııa bólimindegiler atap ótkendeı, osy ýaqyttan bastap, bul otbasy polıtsııanyń baqylaýyna alyndy. Jalpy, Kókshetaý qalasynda turmysy tómen 92 otbasy tirkelgen. Otbasylyq – turmystyq jaǵdaıǵa baılanysty oblys ortalyǵynda jyl basynan beri jasóspirimderge qatysty 23 qorǵaý uıǵyrymy shyǵaryldy.
