Kókshetaýda 10 jyl boıy alıment tólemegen turǵyn úıin satsa da, qaryzyn jaba almady
NUR-SULTAN. QazAqparat – Kókshetaýda 10 jyl boıy alıment tólemegen er adam úıin satýǵa májbúr boldy, dep habarlaıdy QazAqparat tilshisi.
«Kókshetaý qalasyndaǵy bir bólmeli úı 3 660 950 teńgege satyldy. Onyń ózi 10 jyl boıy jınalyp qalǵan qaryzdy jappaı qaldy. Ajyrasqannan beri ákesi óziniń eki balasyna múlde alıment tólemegen. Osy ýaqytqa deıin jalpy qaryzdyń mólsheri 4 mıllıon teńgeden asyp ketken», - deıdi Aqmola oblysynyń aımaqtyq jeke sot oryndaýshylar palatasynyń basshysy Janar Ábilqasymova.
Іzdeý jarııalanǵan kezde er adamnyń Soltústik Qazaqstanda tirkelgeni anyqtalypty. Endigi kezekte qaryzdyń qalǵan bóligin qaıtarýmen sot oryndaýshylary ary qaraı aınalysady.
Jalpy Aqmola oblysynda bul isterge qatysty 10 507 atqarý qujaty qordalanǵan. Onyń ishinde 1399 iske núkte qoıylsa, 3396 is atqarylyp jatyr (jumys ornynan beriletin aılyq esebinen alıment ustalyp jatyr).
