Kókshetaýda 10-nan astam páterdi tonaǵan kúdikti qolǵa tústi
KÓKShETAÝ. QazAqparat - Kókshetaýda iri kólemde páter tonaýmen aınalysqan 26 jastaǵy kúdikti qolǵa tústi, dep habarlaıdy «QazAqparat» HAA tilshisi oblystyq ІІD baspasóz qyzmetine silteme jasap.
Polıtseılerdiń málimeti boıynsha, atalǵan qylmys aǵymdaǵy jyldyń mamyr aıynda bolǵan. Zardap shegýshiniń sózine qaraǵanda, belgisiz adam plastıkalyq terezeni buzyp kirip, jekemenshik úıdegi aqsha men asyl zattardy qoldy qylǵan.
«Zardap shekken úı ıesi materıaldyq shyǵyn kólemin 5 000 000 teńge dep baǵalady. Tergeý amaldary barysynda anyqtalǵandaı, kúdikti eki turǵyn úıdiń ekinshi qabatyna baspaldaq arqyly kóterilip, plastıkalyq terezeni buzyp ishke engen. Kúdiktiniń eshqandaı saýsaq izderin qaldyrmaǵany qylmysty izin sýytpaı ashýǵa biraz qıyndyq týǵyzdy.
Alaıda, urlyq jasalǵan kúni kórshilerdiń biri bóten mashınany baıqap qalǵan. Bul aqparat keıin kúdiktiniń izine túsip, qylmystyń betin ashýǵa kómektesti.
Jedel izdestrý sharasy barysynda polıtsııa qyzmetkerleri 26 jastaǵy jigitti qolǵa túsirdi», - dep túsindirdi polıtseıler.
Qazirgi kezde, kúdikti qylmysyn moıyndap, ýaqytsha ustaý ızolıatoryna qamaldy. Sondaı-aq, onyń ústinen QR QK 188- babynyń 3-bólimi boıynsha qylmystyq is qozǵaldy.
Kúdiktiniń túsiniktemesi boıynsha, urlanǵan zattardy Astana qalasyndaǵy lombardtarǵa ótkizgen. Al qalǵan bóligin polıtseıler ıesine qaıtarǵan. Qazirgi kezde, polıtseıler kúdiktiniń 10-nan astam páter tonaý oqıǵasyna qatysy baryn anyqtady. Oǵan qosa, polıtseıler onyń jalǵyz emes, sybaılastarynyń bolýy múmkin dep otyr.
