Kókshetaýda 10-nan astam kólikti búldirgender ustaldy
KÓKShETAÝ. QazAqparat - Kókshetaýda 10-nan astam kólikti tonaǵan kúdiktiler ustaldy, dep habarlaıdy «QazAqparat» HAA tilshisi oblystyq ІІD baspasóz qyzmetine silteme jasap.
Polıtseılerdiń málimeti boıynsha 2016 jyldyń 27 jeltoqsanynda Kókshetaý qalalyq Іshki ister basqarmasyna 33 jastaǵy jergilikti turǵyn aryzdanǵan. Aryzdanýshynyń sózine qaraǵanda, sol kúni túnde belgisiz bireýler onyń «Mazda» kóliginiń terezesin syndyryp, «Pıoner» avtomagnıtolasyn úptep ketken. Keıin kólik ıesi polıtsııanyń kómegine júginedi. Jedel izdestirý sharasy barysynda tártip saqshylary araǵa tórt kún salyp, 21 jáne 19 jastaǵy kúdiktilerdi qolǵa túsiredi.
«Kúdiktilerdiń ekeýi de osyndaı qylmystary úshin buryn sotty bolǵan. Qazirgi kezde, olardan túsinikteme alynyp, ústerinen QR QK 188-babynyń 2- bólimi boıynsha qylmystyq is qozǵaldy. Tergeý amaldary barysynda kúdiktilerdiń 10-nan astam kólikti tonaǵany áshkerlendip», dep málim etti polıtseıler.
