Kókshetaýda 10 myńnan astam bala memlekettik tilde bilim alady
KÓKShETAÝ. QazAqparat - Kókshetaýda 10 myńnan astam bala memlekettik tilde bilim alady, dep habarlaıdy QazAqparat tilshisi.
Qalalyq bilim bóliminiń deregi boıynsha, qazirgi tańda shaharda barlyǵy 26 mektep bar. Qala mektepterinde barlyǵy 22 325 oqýshy oqıdy. Olardyń 10 502-si memlekettik tilde bilim alady. Ótken oqý jyldarymen salystyrǵanda «Altyn belgi» ıegerleriniń sany úsh esege artqan. 11 synypty támamdaǵan 838 túlektiń 739-y joǵary oqý ornyna tússe, olardyń 374-i bilim granttaryn jeńip aldy.
Al, 99 bala orta kásiptik kolledjderde oqıtyn bolady. 2016-2017 oqý jylynda Kókshetaý qalasyndaǵy gýmanıtarlyq-tehnıkalyq lıtseıinde 5-shi synyp memlekettik tilde oqytylatyn bolady.
Jalpy, jyl sanap qazaqsha oqımyn degen balalar sany artyp keledi. Olardyń arasynda ózge ult ókilderi bar. Sonymen qatar, jańartylǵan bilim mazmunyna oraı, 361 muǵalim qaıta daıarlaýdan ótip, biliktilikterin arttyrǵan.
