Kókshetaýda 10 kún buryn joǵalǵan zeınetker tabylmaı jatyr

KÓKShETAÝ. QazAqparat – Kókshetaýda iz-túzsiz joǵalǵan 80 jastaǵy qarııany polıtsııa qyzmetkerleri men volonterler 10 kún boıy izdep tappaı jatyr, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, Tilektes Qojaqovtyń iz-túzsiz joǵalǵany týraly polıtsııaǵa aryz 17 qyrkúıekte túsken. Ol sol kúni keshki 21:00 shamasynda úıinen shyǵyp ketken. Týystarynyń aıtýynsha, 80 jastaǵy qarııanyń este saqtaý qabileti nashar, sol sebepti adasyp ketýi múmkin.

«Qazirgi ýaqytta iz-túzsiz joǵalǵan Tilektes Qojaqovtyń belgileri bar baǵdarlar polıtsııa departamentiniń barlyq aýmaqtyq bólimshelerine jiberildi, sondaı-aq áleýmettik jelilerde taratyldy, arnaıy izdeý toptary quryldy, volonterler men janashyr azamattar qoldan kelgen kómekti kórsetýde», - dedi vedomstvodan.

Joǵalǵan adam basyna sur qalpaq, ústine kók sporttyq jempir, qara trıko, aıaǵyna qara krossovka kıgen.

Polıtseı qyzmetkerleri habar-osharsyz joǵalǵan adamnyń turǵan jeri týraly qandaı da bir aqparaty bar azamattardan Kókshetaý qalasynyń polıtsııa basqarmasyna (Sátpaev kóshesi, 1a) nemese 102 telefony boıynsha dereý habarlasýdy suraıdy.

Aıta ketsek, Kókshetaýda 19 jastaǵy jigit kóliktiń astyna túsip ólmek bolǵan edi.