Kókshetaýda 1 tonna kartop pen sábiz tegin taratyldy

KÓKShETAÝ. QazAqparat - Búgin Kókshetaýda áleýmettik jaǵynan az qamtylǵan turǵyndarǵa 1 tonna kartop pen sábiz jáne kıim-keshek tegin taratyldy, dep habarlaıdy «QazAqparat» HAA tilshisi.

«Shapaǵat» halyqtyq jobasy aıasynda qolǵa alynǵan qaıyrymdylyq sharasyna jergilikti kásipkerler men qala turǵyndary demeýshilik kómek kórsetti. Kásipkerler bólgen 1 tonna kartop pen sábiz, sondaı-aq qala turǵyndary jınap bergen kıilgen kıim-keshek áleýmettik jaǵynan az qamtylǵan otbasylarǵa jáne jalǵyz basty qarııalarǵa  úlestirildi.

«Osyndaı ıgi isterge qol ushyn sozyp otyrǵan, kásipkerlerge, jany jomart azamattarǵa alǵys bildiremiz. Qaıyrymdylyqta shek joq, endigi kezekte tek azyq-túlik pen kıim-keshek qana emes, ózge de zattaı buıymdardy qossaq degen josparymyz bar»,-deıdi aktsııany uıymdastyrýshy QKHP Aqmola oblystyq komıtetiniń ekinshi hatshysy Raısa Mıhaılovna.