Kókshetaýda 1 mln.-nan astam somany qoldy qylǵan alaıaq áıel ustaldy
KÓKShETAÝ. QazAqparat - Kókshetaýda alaıaqtyq jolmen tanystarynyń iri kólemdegi aqshalary men altyn buıymdaryn jymqarǵan áıel ustaldy, dep habarlaıdy QazAqparat oblystyq ІІD-niń baspasóz qyzmetine silteme jasap.
Polıtseılerdiń málimeti boıynsha, bıylǵy jyldyń mamyr-maýsym aılarynda Kókshetaý qalalyq ІІB-ge jergilikti turǵyndar aryzdanyp, alaıaqtyq jasaǵan 26 jastaǵy áıelge qatysty shara qoldanýyn suraǵan.
Jedel izdestirý sharasy barysynda atalǵan kúdikti ustalyp, qylmysy áshkerlendi.
«2016 jyldyń mamyr aıynda Kókshetaý qalalyq ІІB-niń kezekshi bólimine 30 jastaǵy qala turǵyny habarlasyp, burynǵy tanys áıeldiń aýyr halde jatqan anasyna shuǵyl ota jasaý qajet degen jeleýmen 136 000 teńge aqshasy men 300 000 teńge kólemindegi altyn buıymdaryn qoldy qylǵanyn aıtqan. Keltirilgen zalaldyń jalpy kólemi 436 000 teńgeni qurady.Keıin kúdikti maýsym aıynda osyndaı ádispen taǵy bir qurbysynyń 824 000 teńge aqshasyn jymqyrǵan. Degenmen, polıtseıler kúdiktiniń qylmysyn áshkerlep, qolǵa túsirdi. Qazirgi kezde, ol qylmysyn moıyndap, ústinen QR QK 190-babynyń 1-bólimi boıynsha (alaıaqtyq) qylmystyq is qozǵaldy», - dep kórsetilgen habarlamada.
