Kókshetaýda 1 mıllıon teńgeni jymqyrǵan farmatsevt isti boldy
Vedomstvonyń málimetinshe, bıylǵy mamyrdyń 2-de Kókshetaý qalalyq PB kezekshilik bólimine 32 jastaǵy jergilikti turǵyn aryzdandy. Aryz ıesiniń aıtýynsha, qaladaǵy dárihanalardyń birinde túgendeý júrgizý barysynda jetispeýshilik anyqtalǵan. Keltirilgen shyǵyn somasy 1 mıllıon 300 myń teńgeni quraǵan.
«Osyǵan baılanysty Qylmystyq kodekstiń 189 babynyń 2-shi bóligi «Senip tapsyrylǵan bóten múlikti ıemdený nemese ysyrap etý» boıynsha sotqa deıingi tergeý bastaldy. Polıtsııa kúdiktiniń jeke basyn anyqtady. Ol osy dárihanada farmatsevt bolyp jumys istegen 28 jastaǵy qala turǵyny. Áıel buryn sottalmaǵan. Ol óz kinásin moıyndady, jaǵdaıdy túsindirip, múmkin, dári-dármekterdi satý týraly kassalyq apparatty tekserýdi umytyp ketkenin aıtty. Kelý týraly mindetteme túrinde protsessýaldyq májbúrleý sharasy tańdaldy. Tergeý amaldary júrgizilýde», - dedi vedomstvodan.