«Kókshetaý jylý» kommýnaldyq kásiporny 4 mln teńge aıyppul tóleıdi

KÓKShETAÝ. QazAqparat - Tabıǵı monopolııalardy retteý komıtetiniń Aqmola oblysy boıynsha departamenti «Kókshetaý Jylý» kásipornyna qatysty buzýshylyqty anyqtady, dep habarlaıdy QazAqparat tilshisi Komıtetke silteme jasap.

«QR «Tabıǵı monopolııalar týraly» Zańynyń 26-babynyń 2-tarmaǵynyń 8) tarmaqshasyna sáıkes, tabıǵı monopolııa sýbektisi úlgi sharttarǵa sáıkes rettelip kórsetiletin qyzmetterdiń árbir túrine tutynýshylarmen jeke sharttar jasasýǵa mindetti.

Alaıda, joǵaryda atalǵan zań normalaryn buza otyryp, «Kókshetaý Jylý» kommýnaldyq kásiporny tutynýshylarmen jylý energııasymen jabdyqtaý boıynsha qyzmet kórsetýge shart jasasqan joq.

Osylaısha, «Kókshetaý Jylý» kommýnaldyq kásipornynyń is - áreketinde Qazaqstan Respýblıkasynyń «Ákimshilik quqyq buzýshylyq týraly» Kodeksiniń 164-babynyń 4-bóliginde kózdelgen buzýshylyq anyqtaldy», - dedi vedomstvodan.

Osyǵan baılanysty, QR «Tabıǵı monopolııalar týraly» Zańynyń 26-babynda kózdelgen mindetti oryndamaǵany úshin «Kókshetaý Jylý» kommýnaldyq kásiporny ákimshilik jaýapqa tartyldy.

Bul rette, QR ÁQbK-niń 164-babynyń 4-bóligi iri kásipkerlik sýbektilerine bir myń alty júz aılyq eseptik kórsetkish mólsherinde, ıaǵnı 4 667 200 teńge somasynda aıyppul salý qaralǵan.

Alaıda, «Kókshetaý Jylý» kommýnaldyq kásiporny zań buzýshylyqpen kelisip, qysqartylǵan tártipte 2 333 600 teńge kóleminde aıyppul tóledi.