Kókshetaý jolynda belgilerge qaramaǵan kólik shuńqyrǵa túsip ketti
NUR-SULTAN. QazAqparat – Kókshetaý qalasy baǵytyndaǵy jolda eki jolaýshysy bar kólik shuńqyrǵa túsip ketti. Kýágerler oqıǵany vıdeoǵa túsirip, áleýmettik jelige taratqan. «QazAvtoJol» AQ apatqa qatysty túsinik berdi, dep habarlaıdy QazAqparat.
Kýágerler jol-kólik oqıǵasynyń joldaǵy eskertý belgileriniń bolmaýymen túsindirýde. Alaıda, «QazAvtoJol» UK» AQ munymen kelispeıtinin aıtyp, eskertý belgileri qoıylǵan vıdeony túsirgen.
«Shuńqyrǵa qulap ketken kólik Kókshetaý qalasyna qaraı bara jatqan. Ol jol jóndeý jumystary týraly belgige mán bermegen. Birinshi belgi: jol jóndeý jumystary. Ekinshi belgi: jyldamdyq shegi 50 shaqyrym, basyp ozýǵa tyıym salynǵan. Úshinshi belgi: jyldamdyq shegi 30 shaqyrym. Keıin aınalyp ótý belgisi qoıylǵan, ári qaraı bloktar, kirpish pen qozǵalys baǵyty belgisi bar. Belgilerdiń ara qashyqtyǵy 150 metr. Bul ýchaskede jańa sý ótkizý qubyrlary ornatylyp jatyr, jóndeý jumystary kelesi jyldyń qazanyna deıin jalǵasady. Kólikte eki adam bolǵan. Olar zardap shekken joq. Bul ýchaskedegi belgiler 27 qazanda qoıylǵan», - dep habarlady «QazAvtoJol» UK» AQ.
