Kókshetaý jastary latyn álipbıine óz qoldaýlaryn sýret salýmen jetkizdi
Oblystyq bilim basqarmasy baspasóz qyzmetiniń málimetinshe, ortalyq sabaıaqqa kire beriste uıymdastyrylǵan shara barysynda jastar arnaıy modýlderge sýret salý arqyly Otanǵa degen mahabbattaryn kórsetip, qazaq tili álipbıiniń kırıllıtsadan latyn grafıkasyna kóshirilýin qoldaıtyndyqtaryn bildirdi.
Sharaǵa uıytqy bolǵan - Aqmola oblysynyń bilim basqarmasy jáne «Ónerpaz daryndy balalarmen jumys júrgizý jónindegi oblystyq oqý-ádistemelik ortalyǵy».
Bilim basqarmasy basshysynyń orynbasary Botagóz Dúısenova atap ótkendeı, sharanyń maqsaty - jasóspirimder men stýdent jastardyń arasynda kórkemdik-estetıkalyq quraldar arqyly azamattylyq pen patrıottylyqty qalyptastyrý. Sondaı-aq bilim alýshylardyń kórkemdik, shyǵarmashylyq qabiletterin damytý, rýhanı-adamgershilik jáne mádenı qundylyqtarǵa tartý bolyp tabylady.
Osy oraıda, Kókshetaý qalasy «Arna» kolledjiniń ekinshi kýrs stýdenti Juldyzaı Malǵajdarova: «Latyn álipbıine kóshý - memleketimizdiń bolashaqqa jasaǵan qadamy dep oılaımyn. Biz-Qazaqstannyń bolashaǵymyz! Biz qazaq tiliniń latyn grafıkasyna kóshýin qoldaımyz. Meniń oıymsha, latyn álipbıine kóshý bizge jáne bizdiń balalarymyzǵa aǵylshyn jáne basqa da tilderdi ońaı úırenýge múmkindik beredi», - dep pikirin bildirdi.
