Kókshetaý jármeńkesinde azyq-túlik arzan baǵamen saýdalandy
KÓKShETAÝ. QazAqparat - Kókshetaýda qalasyndaǵy «Táýelsizdik» alańynda arzan azyq-túlik ónimderiniń jármeńkesi ótkizildi, dep habarlaıdy «QazAqparat» HAA tilshisi.
Aqmola oblysynyń kásipkerlik jáne ónerkásip basqarmasy baspasóz qyzmetiniń málimeti boıynsha, Naýryz merekesi qarsańynda uıymdastyrylǵan jármeńkege Atbasar, Býrabaı, Bulandy, Sandyqtaý aýdandary jáne oblys ortalyǵyndaǵy aýyl sharýashylyǵy taýarlaryn óndirýshiler qatysty.
Jərmeńkede usynylǵan azyq-túlik baǵasy qala bazarlary jáne dúkenderimen salystyrǵanda 15-20 paıyz arzanǵa satyldy. Sol sebepti tańǵy saǵat toǵyzda bastalǵan jármeńkede halyqtyń qarasy kóp boldy. Qala turǵyndary jumyrtqa, et, sút, kartop jáne un ónimderin molynan satyp aldy.
Jármeńkege aýdandardan at terletip kelgen aýyl sharýashylyǵy taýarlaryn óndirýshilerdiń arasynda ótken jyldyń sońynda Atbasar aýdanynda iske qosylǵan «Atbasar maıy» JShS ónimderi saýdaǵa shyǵaryldy.
«Atalmysh kásiporyn Memleket basshysynyń Astana qalasy aınalasynda azyq-túlik beldeýin damytý týraly tapsyrmasyn júzege asyrý sheńberinde iske qosylyp otyr. Zaýyttyń qýaty táýligine 6 tonna kúnbaǵys maıyn óndirýge múmkindik beredi. Bul kásiporyn ókilderi jármeńkede kúnbaǵys maıynyń lıtri 350 teńgeden satyldy. ıAǵnı, qala dúkenderindegi kúnbaǵys maıynan 15-20 paıyz arzan", deıdi basqarmanyń baspasóz qyzmeti.
Jalpy, bul joly jármeńkege barlyǵy 40-tan astam túrli azyq-túlik ákelingen. Olardyń jalpy quny 42 mıllıon teńgeni quraıdy.
