Kókshetaý turǵynynan aqsha bopsalaǵan «polıtseıler» ustaldy
KÓKShETAÝ. QazAqparat - Kókshetaý turǵynynan aqsha bopsalaǵan jalǵan polıtsııa qyzmetkerleri ustaldy, dep habarlaıdy QazAqparat tilshisi ІІD baspasóz qyzmetine silteme jasap.
4 sáýir kúni Kókshetaý qalalyq ІІB kezekshilik bólimine jergilikti 33 jastaǵy turǵynnan aryz túsken.
Zardap shegýshiniń sózinshe, ózderin polıtsııa qyzmetkerleri dep tanystyrǵan beıtanys adamdar onyń úıine basa kóktep kirip, uryp soǵyp, aqsha bopsalaǵan.
"Jalǵan polıtseıler er adamǵa esirtki saýdasymen aınalystyń dep jalǵan aıyp taqqan. Kúsh qoldanyp, qorqytyp 43 myń teńge aqshany ıemdengennen keıin taıyp turǵan. Alaıda, zardap shegýshi úıine basa kóktep kirgen "polıtseılerdiń" qujatyn da surap úlgermegen. Degenmen, jedel izdestirý sharasy barysynda Kókshetaý qalalyq ІІB qyzmetkerleri kóp uzatpaı eki kúdiktini qolǵa túsirdi", - dep túsindirdi baspasóz qyzmetindegiler.
Qazirgi kezde, osy oqıǵaǵa baılanysty QR QK 194-babynyń 1-bóligi boıynsha sottaldy óndiristik is qozǵalyp, tergeý amaldary júrgizilýde.
