Kókshetaý turǵynyna oq atqan kúdikti ustaldy
KÓKShETAÝ. QazAqparat – Kókshetaýda travmatıkalyq tapanshamen buzaqylyq jasaǵan kúdikti ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, maýsymnyń 19-da Kókshetaý qalalyq PB kezekshi bólimine oblystyq kópbeıindi aýrýhanaǵa sanyna oq tıip, jaralanǵan er adam túskeni týraly habar kelgen.
«Aýrýhanaǵa barǵan jedel-tergeý toby zardap shegýshiden oqıǵanyń mán-jaıyn surap bildi. Er adamnyń aıtýynsha, ol tańǵy saǵat 05:00 shamasynda jergilikti dúken mańynda burynǵy tanysymen arada kıkiljiń týyndap, jaraqat alǵan. Sol kúni jedel izdestirý kezinde jedel basqarý ortalyǵynyń beınebaqylaý kamerasy arqyly Soltústik Qazaqstan oblysynyń 33 jastaǵy turǵyny ustaldy» deıdi vedomstvodan.
Qazirgi kezde osy oqıǵaǵa baılanysty QR QK 293-babynyń 3-bóligi boıynsha sotqa deıingi tergeý júrip jatyr.
Kúdiktiden travmatıkalyq tapansha tárkilenip, ol ýaqytsha ustaý oqshaýlaǵyshyna qamaldy.
