Kókshetaý turǵynyna qaraqshylyq shabýyl jasaǵan kúdiktiler ustaldy
Kúdiktiler er adamnyń pyshaqpen qorqytyp, uıaly telefonyn tartyp alǵan, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, aǵymdaǵy jyly tamyzdyń 27-de Kókshetaý qalalyq polıtsııa basqarmasyna jergilikti turǵynnan aryz tústi. Er adam Vernadskıı kóshesiniń boıyndaǵy dúkenderdiń biriniń mańynda belgisiz adamdar pyshaqpen qorqytyp, odan «Lenovo» markaly uıaly telefonyn tartyp alǵanyn aıtty. Materıaldyq shyǵyn somasy 60 000 teńgeni qurady.
«Oqıǵa ornyna kelgen polıtsııa qyzmetkerleri turǵyn úı aýlalaryn aralap, beınebaqylaý kameralarynyń jazbalaryn zerttedi, jábirlenýshiden jaýap aldy. Nátıjesinde beınebaqylaý kameralarynyń jazbalary arqyly kúdiktiler mingen kólik pen onyń júrý baǵyty anyqtaldy», - dedi vedomstvodan.
Jedel-tergeý sharasy barysynda 31-48 jas aralyǵyndaǵy úsh kúdikti anyqtalyp ustaldy. Kúdiktilerdiń ekeýi buryn Qylmystyq kodekstiń 297, 296 jáne 191 baptary boıynsha qylmystyq jaýapqa tartylǵan.
«Qazirgi kezde osy oqıǵaǵa baılanysty Qylmystyq kodekstiń 192 babynyń 2-shi bóligi «qaraqshylyq» boıynsha sotqa deıingi tergeý amaldary bastaldy. Kúdiktiler ýaqytsha ustaý oqshaýlaǵyshyna qamaldy», - dedi tolyqtyrdy vedomstvodan.