Kókshetaý turǵyny jóndeýge tastap ketken kóligin aıyppul turaǵynan tapty
KÓKShETAÝ. QazAqparat - Kókshetaý qalasy turǵynynyń tehnıkalyq qyzmet kórsetý stansasyna jóndeýge qaldyrǵan kóligi aıyppul alańynan tabyldy, dep habarlaıdy QazAqparat tilshisi.
Aqmola oblystyq PD baspasóz qyzmetiniń málimetinshe, sáýirdiń 15-de Kókshetaý qalalyq PB kezekshi bólimine 32 jastaǵy jergilikti turǵyn habarlasyp, «VAZ 21114» markaly kóliginiń urlanǵanyn aıtqan. Zardap shegýshiniń sózinshe, ol avtokóligin qaladaǵy TQS (Tehnıkalyq qyzmet kórsetý stansasyna) jóndeýge qaldyrǵan. Alaıda, kólik aıyppul alańynan bir-aq shyqqan. Bul týraly kólik ıesine TQS ıesi habarlaǵan.
Keıinnen kólikti aıdap áketip, biraz «qydyrmaq bolǵan» osy TQS jumysshysy bolyp shyqty. Er adamnyń masań kúıde kólikke otyrǵanyn baıqap qalǵan jol-patrýl polıtsııa qyzmetkerleri dereý ony ustap, kólikti aıyppul alańyna qoıǵan.
«Kúdiktiniń Kókshetaý qalasynyń 24 jastaǵy turǵyny ekeni anyqtaldy. Ol buǵan deıin de ózgeniń kóligin ıemdengeni úshin isti bolǵan. Qazirgi kezde osy oqıǵaǵa baılanysty QR QK 200-babynyń 1-bóligi boıynsha is qozǵalyp, sotqa deıingi tergeý amaldary júrgizilýde», - dedi PD baspasóz qyzmetindegiler.
