Kókshetaý turǵyny úıine jetý úshin bireýdiń kóligin aıdap áketken
KÓKShETAÝ. QazAqparat - Mas kúıinde bireýdiń kóligin aıdap áketken kókshetaýlyq qolǵa tústi, dep habarlaıdy QazAqparat tilshisi.
ІІD baspasóz qyzmetiniń málimeti boıynsha, 3 qańtarda Kókshetaý qalalyq ІІB kezekshilik bólimine 37 jastaǵy jergilikti turǵynnan aryz túsken. Aryzdanýshynyń sózinshe, qaladaǵy saýda úıiniń birine kirgen kezde onyń syrtta turǵan «Toyota VItz» kóligin belgisiz bireý aıdap əketken.
Der kezinde polıtsııaǵa habarlasqandyqtan jol-patrýldik polıtsııa batalonynyń qyzmetkerleri jedel-izdestirý sharasyn qolǵa alyp, ІІB jedel basqarý ortalyǵyndaǵy beınebaqylaý kamerasynyń kómegimen kúdiktini qolǵa túsirdi. Kúdikti 27 jastaǵy kókshetaýlyq bolyp shyqty.
Tergeý amaldary kezinde anyqtalǵandaı mas kúıinde bolǵan kúdikti dúken mańynda ıesi joq əri esigi ashyq turǵan kólikti aıdap əketedi. Keıin kóp uzamaı urlanǵan kólikpen jol-kólik oqıǵasyna ushyraıdy. Sol jerde kólikti qaldyryp, ózi qashyp ketedi.
Kúdiktiniń túsiniktemesine qaraǵanda ol urlanǵan kólikpen úıine jetip qalmaq bolǵan. Alaıda, onyń bul qýlyǵynan nətıje shyqpady.
Qazirgi kezde, kúdikti ústinen QR QK 200-babynyń 1-bólimi boıynsha qylmystyq is qozǵaldy.
