Kókshetaý turǵyny telefon arqyly aqsha urlaǵan
KÓKShETAÝ. QazAqparat - Kókshetaý turǵyny mobıldi telefon arqyly aqsha urlady, dep habarlaıdy QazAqparat tilshisi Aqmola oblystyq ІІD baspasóz qyzmetine silteme jasap.
Polıtseılerdiń málimetine qaraǵanda, 5 aqpan kúni Kókshetaý ІІB kezekshi bólimine boıjetken alaıaqtyqtan zardap shekkenin aıtyp shaǵymdanǵan. Ol óz kıvı-ámııanyna aýdarǵan 50 myń teńgesin áldekimder urlaǵanyn aıtady.
«Materıal jınaý barysynda jedel qyzmetkerler birneshe kún buryn qyz Kókshetaýda turatyn er adamǵa telefon satqanyn anyqtady. Mobıldik baılanys quralyn satpas buryn ondaǵy baǵdarlamalar men parolder óshirilmegen, alaıaqtar sony paıdalanǵan», - deıdi baspasóz qyzmetiniń ókilderi.
Іs boıynsha 22 jastaǵy kúdikti ustaldy. Polıtsııa «Alaıaqtyq» babyna sáıkes sotqa deıingi tergep-tekserý júrgizip jatyr.
«Qarapaıym qaýipsizdik erejelerin saqtańyzdar. Bóten bireýge qupııa bolýy tıis aqparattardy, qupııasóz, esep-shottardyń nómirlerin, bank kartalarynyń derekterin berýshi bolmańyzdar. Eshqashan jeke kýáliktiń kóshirmesin, túbirtek ataýlyny eshkimge bermeńizder, tanymaıtyn adamǵa aqsha aýdarmańyzdar», - deıdi polıtseıler jurtshylyqqa.
