Kókshetaý turǵyny óz ájesin tonady
KÓKShETAÝ. QazAqparat - Aqmola oblysynda 82 jastaǵy ájesiniń altyn buıymdary men aqshasyn urlaǵan boıjetken ustaldy, dep habarlaıdy QazAqparat.
«Kókshetaý qalalyq kezekshi bólimine 82 jastaǵy keıýanadan shaǵym kelip tústi. Onyń aıtýynsha, belgisiz bireýler altyn áshekeıleri men aqshasyn úptep ketken. Kelgen zalaldyń jalpy somasy - 350 myń teńgeden asady. Jábirlenýshi jaqynda úıine nemeresi qonaqqa kelgenin aıtty», - dep málim etti Aqmola oblysy polıtsııa departamentiniń baspasóz qyzmeti.
Polıtseıler qylmystyń izin sýytpaı, 26 jastaǵy boıjetkendi ustady. Ol ájesiniń senimine kirip, altyn buıymdary men aqshasyn qoldy qylǵan. Kókshetaý turǵyny óz kinásin moıyndady.
«Kúdikti urlaǵan zatyn satyp, ony óz qajetine jaratý úshin osyndaı qylmysqa barǵan», - dep qosyp ótti vedomstvodan.
