Kókshetaý turǵyny orman ishinen granata taýyp aldy
KÓKShETAÝ. QazAqparat - Kókshetaý turǵyny orman ishinen granata taýyp aldy, dep habarlaıdy QazAqparat tilshisi.
ІІD baspasóz qyzmetiniń dereginshe, 9 tamyz kúni Kókshetaý qalalyq ІІB kezekshi bólimine jergilikti turǵyn habarlasyp, Qarasaı baǵytyndaǵy jolǵa jaqyn mańdaǵy ormannyń ishinen granataǵa uqsas metall zatty taýyp alǵanyn aıtqan. Oqıǵa ornyna jedel tergeý toby atandy. Er adamnyń sózinshe, ol ara-tura óziniń «Fısher F2» markaly metall izdeý qurylǵysymen metall zattardy izdep turatyn kórinedi. Tamyzdyń 9-y kúni Kókshetaý qalasynyń mańynda shaǵyn orman ishinde ol óziniń metall izdeıtin arnaıy qondyrǵysymen polıetılen qapshyqqa salynǵan granataǵa uqsas zatty taýyp alǵan.
«Oqıǵa ornyna jetken Aqmola oblysynyń ІІD jedel tergeý toby men jarylǵysh zattardy zalalsyzdandyratyn tehnıkter aldyn ala boljam boıynsha tabylǵan zattyń granata ekenin anyqtap otyr. Granata synyqtary saraptamaǵa jiberildi. Sonyń qorytyndysy boıynsha protsessýaldyq sheshim shyǵarylady. Qazirgi kezde QR QK 287-babynyń 3-bóligi boıynsha sot aldy tergeý amaldary júrgizilýde», - dep túsindirdi vedomstvodan.
