Kókshetaý turǵyny keshendi test tapsyrýǵa toı kóılegimen keldi

KÓKShETAÝ. QazAqparat – Kókshetaý turǵyny keshendi test tapsyrýǵa toı kóılegimen keldi, dep habarlaıdy QazAqparat.

Mańyzdy sátte qalyńdyqty kúıeý jigit te qoldap kelgen. Bul týraly Ulttyq testileý ortalyǵynyń dırektory Rýslan Emelbaev áleýmettik jelidegi paraqshasynda jazdy.

«Keshendi testileýdi tapsyrý kúni neke kúnimen tuspa-tus kelip tústi. Búgin Kókshetaý qalasynda magıstratýraǵa túsý úshin keshendi testileýge erekshe testilenýshi keldi. Mańyzdy emtıhandy jiberip almaýdy sheshken baqytty qalyńdyqty testileýge kúıeý jigit qoldap keldi. Jas jubaılarǵa zor mahabbat pen aýyzbirshilik, al qalyńdyqqa sáttilik tileımin!», - dep jazdy ol.