Kókshetaý turǵyny banktiń termınaldaryn ashyp, aqsha jymqyrǵan
ASTANA. QazAqparat - Kókshetaýda jergilikti turǵyn eki bank termınalyn ashyp, aqshalaı qarajatty jymqyrǵan, dep habarlady Aqmola oblystyq ІІD baspasóz qyzmeti.
2017 jyldyń aqpan aıynda Kókshetaý qalasy ІІB kezekshilik bólimine qala bankteriniń biriniń zańgeri aryz jazdy. Ol bank termınaly ornalasqan qala dúkenderiniń birinde belgisiz bireýlerdiń tólem apparatyn ashyp, ondaǵy qarajatty tonap ketkenin habarlaǵan.
Shyǵynnyń jalpy kólemi shamamen 150 myń teńgeni quraǵan. Jedel-izdestirý sharalary barysynda krımınaldy polıtsııa qyzmetkerleri qylmyskerdiń aty-jónin anyqtady jáne ustady. Ol Kókshetaý qalasynyń 20 jasar turǵyny bolyp shyqty. Tergeý jas jigittiń birneshe ret zań buzǵanyn anyqtady.
Kúdiktiniń aıtýynsha, ol terezeni syndyryp, dúken ishine kirgen. Kómekshi quraldardy paıdalanyp, eki termınaldy ashqan jáne aqshalaı qarajatty alyp ketken. Jas jigit qylmys jasaýdaǵy óz aıybyn moıyndady. Oǵan qatysty qylmystyq is qozǵaldy. «Tutqyndaý» bultartpaý sharasy belgilendi.
