Kókshetaý turǵyny alaıaqqa 300 myń teńge nesıe alyp bergen
KÓKShETAÝ. QazAqparat – Kókshetaý turǵyny 30 jastaǵy alaıaqqa 300 myń teńge nesıe alyp bergen, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, shildeniń 25-de Kókshetaý qalalyq PB kezekshilik bólimine 25 jastaǵy jergilikti turǵyn aryzdanyp, tanysynyń alaıaqtyq jolmen 300 myń teńge aqshasyn ıemdenip alǵanyn aıtqan.
«Anyqtalǵandaı, zardap shegýshi kúdiktimen áleýmettik jeli arqyly tanysqan. Ózin kásipker retinde tanystyrǵan kúdikti kelinshekten 300 myń teńge kóleminde qaryzǵa aqsha suraǵan. Alaıaqtyń sózine senip qalǵan kelinshek bankten nesıe rásimdegen. Sóıtip, aqsha qolyna tıgen kúdikti óziniń «demeýshisimen» baılanysqa shyqpaı qoıǵan», - dep aıtty vedomstvodan.
Kókshetaý qalalyq PB krımınaldy polıtsııa bóliminiń qyzmetkerleri Şýchınsk qalasynyń osy iske kúdikti 30 jastaǵy turǵynyn anyqtap ustady. Kúdikti osyndaı qylmysy úshin buryn sotty bolǵan. Kúdikti qylmysyn birden moıyndady.
«Qazirgi kezde kúdiktiden eshqaıda ketpeý jóninde qolhat alyndy. Polıtsııa QR QK 190 babynyń 1 bóligi boıynsha (alaıaqtyq) iz qozǵap, sotqa deıingi tergeý amaldaryn júrgizýde», dep tolyqtyrdy vedomstvodan.
