Kókshetaý turǵyny 7 keli esirtkimen ustaldy
KÓKShETAÝ. QazAqparat - Aqmola oblysy aýmaǵynda 2018 jyldyń 28-shi mamyry men 1-inshi maýsymy aralyǵynda esirtki saýdasynyń jolyn kesý maqsatynda "Kanal-Kordon" jedel aldyn alý sharasy ótti, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń deregi boıynsha 5 kúnniń ishinde esirtki saýdasyna qatysty 7 oqıǵa tirkeldi. Oǵan qosa esirtkige masaıyp kólik aıdaǵan 11 júrgizýshi əkimshilik jaýapkershilikke tartyldy.
"Jedel aldyn alý sharasynyń birinshi kúni esirtki zaty -"marıhýanany" saýdalamaq bolǵan Kókshetaý qalasynyń turǵyny ustaldy. Keıin onyń úıin tintý kezinde 7 keli "marıhýana" tərkilendi.
Kúdiktiniń ústinen QR QK 297 babynyń 3 bóligi boıynsha qylmystyq is qozǵaldy", dep túsindirdi vedomstvodan.
Aıta keteıik, jyl basynan beri oblysta zańsyz saýdada júrgen jalpy salmaǵy 155 keli túrli esirtki zaty tərkilengen.
