Kókshetaý turǵyndarynyń 57 paıyzy koronavırýs vaktsınasyn saldyrdy
«Kókshetaý qalasy boıynsha barlyǵy 12 statsıonarlyq egý pýnkti jumys isteıdi, olar COVID-19-ǵa qarsy vaktsınatsııa júrgizýge jumyldyrylǵan jáne bir jyljymaly egý pýnkti shaǵyn aýdanda ornalasqan. Saryarqa, 6/8 (órt sóndirý bóliminiń janynda). Jumys ýaqyty - demalyssyz saǵat 11:00-den 20:00-ge deıin«, - dep túsindirdi jýrnalıstermen ótken brıfıngte Kókshetaý qalasynyń bas memlekettik sanıtarlyq dárigeri Qanat Ysqaqov.
22 qyrkúıekte Kókshetaýda birinshi komponentpen 66744 adam egildi, bul egýge jatatyn halyqtyń jalpy sanynyń 56,7 paıyzyn quraıdy (117 631 adam).
Sondaı-aq, jumys baǵyttarynyń biri «Ashyq» jobasy arqyly koronavırýstyq ınfektsııamen aýyratyn naýqastardy jáne úı karantıni rejımin buzǵan baılanysta bolǵandardy anyqtaý bolyp tabylady.
«Jobanyń tıimdiligi koronavırýstyq ınfektsııamen aýyratyn naýqastardy jáne úı karantıni rejımin buzǵan adamdardy anyqtaýmen rastalady. «Ashyq» qosymshasynyń derekteri boıynsha, joba engizilgennen bastap adamdar kóp jınalatyn jerlerde eki aptaǵa oqshaýlaýǵa jatatyn 690 kelýshi tirkelgen, onyń ishinde «qyzyl» mártebesi bar – 553 adam, «sary» mártebesi bar – 157 adam. Ózin - ózi oqshaýlaý rejımin buzǵany úshin barlyǵy 30 aılyq eseptik kórsetkishke «qyzyl» mártebesi bar 224 jeke tulǵaǵa jalpy somasy 8 mıllıon teńgeden astam aıyppul salyndy», - dep tolyqtyrdy bas dáriger.
Aıta ketsek, «Ashyq« jobasy boıynsha Kókshetaýda 800-den astam qatysýshy jumys isteıdi. Aqmola oblysynda «qyzyl« mártebesi bar 356 karantın buzýshyǵa aıyppul salynǵan.