Kókshetaý turǵyndary 1 mamyr merekesin toılap jatyr
KÓKShETAÝ. QazAqparat - Búgin Kókshetaýda 1 mamyr - Qazaqstan halqynyń birligi kúni atalyp ótýde, dep habarlaıdy QazAqparat tilshisi.
Merekelik shara Táýelsizdik alańynda «Biz birgemiz - My vmeste» taqyryptaǵy teatrlandyrylǵan qoılymmen bastaldy. Qala turǵyndary men qonaqtaryna vokaldyq-horegrafııalyq ujymdardyń «Ata mura - asyl qazyna», «Elim meniń», «El júregi - Astana» atty qoıylym usynyldy.
Sonymen qatar alańǵa jınalǵan jurt jergilikti etnomádenı birlestikter usynǵan ər halyqtyń ulttyq taǵamdary men sándik-qoldanbaly jáne beıneleý óneri sheberleriniń kórmesin tamashalady. Al eń kishkentaı aqmolalyqtardyń «Meniń Qazaqstanym» jəne «Astanaǵa 20 jyl» taqyrybynda beder tasqa salǵan sýretteri merekeniń kórkin odan saıyn arta tústi.
Saltanatty sharaǵa qatysqan aımaq basshysy Məlik Myrzalın barsha aqmolalyqtardy osynaý merekemen quttyqtap, halyq birligin urpaqtan urpaqqa dáripteı berýge shaqyrdy.
«Bıylǵy jyl - biz úshin erekshe. Bizdi joǵary bıikter men jeńiske jeteleıtin elordamyz - Astana qalasynyń 20 jyldyǵyn atap ótýdemiz. Elbasy N.Nazarbaev atap ótkendeı qazir turaqtylyǵy saqtalyp, birligi bekem bolǵan elimizde barlyq ult ókilderi óz mádenıetin damytyp, tilin órkendetip, salt-dástúrin saqtaýǵa múmkindik alyp otyr. Osynyń arqasynda dostyqtyń shyraıy kelip, yntymaqtyń jarasym tapqany eldiń ósip-órkendeýine negiz bolyp otyr», deı kele aımaq basshysy Qazaqstan halqy Assambleıasy ınstıtýtynyń ulttyq birligimizdi nyǵaıtýǵa qosqan úlesi zor ekenin atap ótti.
Aıta ketý kerek, búginde Aqmola oblysynda 105 ult pen ulystyń ókilderi beıbit ómir súrip jatyr. Óńir qanshama dástúrler men dinderdiń altyn arqaý besigine aınalǵan jer.
Merekelik shara jergilikti 15 etnomádenı birlestikterdiń ókilderi men 50 kórkemónerpazdar ujymdary jəne 800 stýdenttiń oryndaýyndaǵy kontserttik baǵdarlama men túrli sporttyq sharalarǵa ulasýda.
