Kókshetaý tehnıkalyq ınstıtýtynyń jas kýrsanttary ant berdi
KÓKShETAÝ. QazAqparat - QR ІІM Tótenshe jaǵdaılar komıteti Kókshetaý tehnıkalyq ınstıtýtynyń kúndizgi oqý bóliminde bilim alatyn 1-kýrs kýrsanttary saltanatty túrde ant berdi, dep habarlaıdy QazAqparat tilshisi.
Sharaǵa QR Іshki ister mınıstriniń orynbasary ıÝrıı Ilın, Aqmola oblysy ákiminiń orynbasary Oljas Bektenov, Aqmola oblysy quqyq qorǵaý organdary jáne oqý oryndarynyń basshylary, azamattyq qorǵaý organdarynyń ardagerleri, qoǵamdyq uıymdardyń, buqaralyq aqparat quraldarynyń ókilderi jáne kýrsanttardyń ata-analary qatysty.
Ant berý saltanatty rásimin ashyq dep jarııalaǵan Instıtýt basshysy azamattyq qorǵaý polkovnıgi Syrym Sháriphanov óziniń kirispe sózinde oqý ornynyń jıyrma jylynyń árbireýi mańyzdy ári paıdaly isterge baı, sondaı-aq, 2017 jyl Atbasar qalasyndaǵy apattyq-qutqarý jumystarymen, 28-shi Búkilálemdik qysqy Ýnıversıadasynyń Alaý Estafetasymen jáne EXPO-2017 halyqaralyq mamandandyrylǵan kórmeniń qaýipsizdigin qamtamasyz etý ınstıtýt ujymynyń esinde qalatyndyǵyn atap ótti.
Qazaqstan Respýblıkasy Іshki ister mınıstriniń orynbasary ıÝrıı Ilın quttyqtaý sózinde: «Qabyldanǵan ant árbir kýrsantty óz isine adal bolýǵa, Qazaqstan Respýblıkasy Konstıtýtsııasynyń, zańdarynyń talaptaryn qatań saqtaýǵa, ózderine júktelgen mindetterdi adal jáne kásibı turǵydan oryndaýǵa, qutqarýshy joǵary ataǵyn qasterleýge mindetteıdi», dedi.
Aıta keteıik, 2017 jyly KTI-nyń kúndizgi oqý fakýltetine 185 talapker qabyldanǵan bolatyn. Bul joly Kókshetaý tehnıkalyq ınstıtýtynda oqıtyn 139 kýrsanttan ant qabyldandy. Onyń ishinde 8 kýrsant úkimetaralyq kelisimderge sáıkes Instıtýt negizinde órt qaýipsizdigi mamandyǵy boıynsha oqyp jatqan Qyrǵyzstan Respýblıkasynyń azamattary. QR ІІM Tótenshe jaǵdaılar komıtetimen qalǵan 37 kýrsantty Reseı Federatsııasy men Belarýs Respýblıkasynyń mamandandyrylǵan joǵarý oqý oryndaryna jiberildi. 
