Kókshetaý tehnıkalyq ınstıtýtynyń 19-shy túlekterine dıplom tapsyryldy
KÓKShETAÝ. QazAqparat - Búgin oblys ortalyǵyndaǵy «Táýelsizdik» alańynda Kókshetaý tehnıkalyq ınstıtýtynyń 19-shy túlekterine dıplom tapsyryldy, dep habarlaıdy «QazAqparat» HAA tilshisi.
Saltanatty sharaǵa QR ІІM Tótenshe jaǵdaılar komıtetiniń tóraǵasy general-maıor Vladımır Bekker, Aqmola oblysy ákiminiń orynbasary Janbolat Smaıylov, azamattyq qorǵaý organdarynyń ardagerleri men memlekettik organdardyń ókilderi jáne kýrsanttardyń týǵan-týystary qatysty.
Quttyqtaý sóz sóılegen Vladımır Bekker túlekterdiń aldaǵy qıyn da jaýapty qyzmetterine sát-sapar tiledi. Bul kúni atalǵan ınstıtýttyń 121 túlegi dıplom aldy. Sonymen qatar, shara barysynda ınstıtýt atynan sportyq jáne qoǵamdyq-mádenı is-sharalarǵa qatysqan kýrsanttar saltanatty túrde marapattaldy.
Endigi jerde ınstıtýt túlekteri Qazaqstan Respýblıkasy Tótenshe jaǵdaılar komıtetiniń aýmaqtyq bólimsheleri men qurylymdarynda qyzmet atqaratyn bolady. Tipti, keıbireýleri Astana qalasynda alda ótetin «EKSPO-2017» halyaralyq kórmesi kezinde qoǵamdyq tártip pen qaýipsizdikti qamtamasyz etýge atsylasady.
