Kókshetaý tehnıkalyq ınstıtýtynyń 147 kýrsanty ant qabyldady
NUR-SULTAN. QazAqparat – Búgin Kókshetaý qalasynyń «Táýelsizdik» alańynda QR Tótenshe jaǵdaılar mınıstrliginiń Kókshetaý tehnıkalyq ınstıtýty kúndizgi oqý fakýltetiniń birinshi kýrsqa qabyldanǵan 147 kýrsantynyń ant berý saltanatty rásimi ótti, dep habarlaıdy QazAqparat tilshisi.
Saltanatty sharaǵa QR Tótenshe jaǵdaılar mınıstri ıÝrıı Ilın, Aqmola oblysynyń ákimi Ermek Marjyqpaev, sondaı-aq TJM bólimsheleriniń basshylary men qyzmet ardagerleri qatysty. Іs-shara azamattyq qorǵaý organdarynyń 25 jyldyǵyna oraılastyrylǵan.
Tótenshe jaǵdaılar mınıstri ıÝrıı Ilın quttyqtaý sózinde kýrsanttar óz ómirlerin adamdardy órtten, tótenshe jaǵdaılardan jáne tabıǵı apattardan qutqarý isine arnap, ómirleriniń jańa betin ashqanyn aıtty. Ant bere otyryp, árbir kýrsant ózine eline jáne onyń azamattaryna qyzmet etý, ıgi ispen aınalysý, qıynshylyqqa tap bolǵandarǵa kómektesý, azamattardyń qaýipsizdigi men qorǵalýyn qamtamasyz etý úshin joǵary jaýapkershilik júkteıtigine nazar aýdartty.
QR TJM baspasóz qyzmetiniń málimetinshe, 2020 jyly Kókshetaý tehnıkalyq ınstıtýty kúndizgi oqý fakýlteti kýrsanttarynyń quramyna 189 talapker qabyldandy. Olardyń ishinen búgin 147 kýrsant ant qabyldady.
Al Qazaqstan Respýblıkasy TJM-niń 37 kýrsanty Reseı men Belarýs Respýblıkasynyń beıindi joǵary oqý oryndaryna jiberildi. Olar oqý oryndaryna jiberilgenge deıin ant qabyldaǵan bolatyn.
Instıtýt qurylǵannan beri birinshi kýrs kýrsanttary 26-y ret qabyldandy, 5 myńnan astam maman daıyndaldy.
Olar kúni-túni azamattardyń, qoǵam men memlekettiń tabıǵı jáne tehnogendik sıpattaǵy tótenshe jaǵdaılardan qaýipsizdigin qamtamasyz ete otyryp, eń jaýapty jáne kúrdeli ýchaskelerde qyzmet atqarady.
