«Kókshetaý» stansasynyń basshysy 600 myń teńge para aldy degen kúdikke ilindi

ASTANA. QazAqparat - Aqmola oblysy boıynsha jemqorlyqqa qarsy qyzmet «Kókshetaý» stansasynyń basshysyn áshkereledi, dep habarlaıdy QazAqparat tilshisi.

Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Nurlan Jahınniń aıtýynsha, «Qazaqstan temir joly» UK AQ Aqmola júk tasymaldary bólimshesine qarasty «Kókshetaý» stansasynyń basshysy Moldaqov jaýapkershiligi shekteýli seriktestikterdiń birine «qamqorshylyq» jasap, qol astyndaǵylardan 600 myń teńge kóleminde para aldy dep kúdikke ilindi.

Kompanııa temirjol qatynas joldaryn jóndeýmen aınalysady.

Qazirgi ýaqytta Jahınniń aıtýynsha, qylmystyq is boıynsha sotqa deıingi tergeý amaldary júrgizilip jatyr.