Kókshetaý sottarynda front-ofıs ashyldy
Vedomstvonyń málimetinshe, front-ofıstiń ashylýyna Aqmola oblysy ákiminiń orynbasary Qanat Ydyrysov, Aqmola oblystyq sotynyń tóraǵasy Dosjan Ámirov, Kókshetaý qalasynyń ákimi Amangeldi Smaılov jáne quqyq qorǵaý qurylymdarynyń basshylary, sot júıesiniń ardagerleri, sýdıalar, sot qyzmetkerleri men BAQ ókilderi qatysty.
Azamattarǵa arnalǵan ofıstiń ashylýymen Aqmola oblysy ákiminiń orynbasary Qanat Ydyrysov quttyqtap, front-ofıstiń azamattarǵa yńǵaıly jáne qyzmet kórsetýde máni zor ekenin aıtyp, sot ujymyna sáttilik pen tabys tiledi.
Aqmola oblystyq soty tóraǵasy Dosjan Ámirov sot ujymyn jobanyń ashylýymen quttyqtap, azamattarǵa qolaıly jáne paıdaly qyzmet atqarýda jumystaryna tabys tiledi. «Úlgili sot» jobasy aıasynda qurylǵan front-ofıs azamattarǵa usynylatyn sot qyzmetteri men servısteriniń sapasyn arttyryp, sot jumysyn ońtaıly uıymdastyrýǵa múmkindik beretinin jáne sotqa júgingen azamattarǵa qolaıly jaǵdaı týǵyzatynyn atap ótti.
Front-ofıste yńǵaıly bolý úshin sotqa kelýshilerge barlyq jaǵdaılar jasalǵan. Ol qajetti keńse jabdyqtarymen jabdyqtalǵan, munda sotqa ótinishterdi resimdeý jáne berý tártibi, sot óndirisindegi ister men materıaldardyń qozǵalysy men olardy qaraý barysy, sot otyrystaryn ótkizý ýaqyty, kiris hat-habarlar men ózine-ózi qyzmet kórsetý aımaǵy týraly málimetterdi usyný boıynsha qyzmet kórsetetin aqparattyq ortalyq ornalasqan.
«Sot júıesin jańǵyrtý negizinde onyń qol jetimdiligin qamtamasyz etý jáne azamattarǵa nátıjeli bolý maqsatynda, respýblıka sottarynyń áreketteri belsendi jetildirýde, sot óndirisine jana tehnologııalar engizýlýde. Halyqpen jumys jasaýdyń jańa formatyn engizý halyqtyń sot jumysyna degen senim deńgeıin aıtarlyqtaı arttyrýǵa múmkindik beredi» - deıdi sot tóraǵasy.
