Kókshetaý, Semeı jáne Óskemende jańa jylý elektr ortalyqtary salynady
ASTANA. KAZINFORM – Memleket basshysy Qasym-Jomart Toqaev barlyq deńgeıdegi máslıhat depýtattarynyń ІІІ respýblıkalyq forýmynda Úkimet Qazaqstandaǵy jylý elektr stansalaryn modernızatsııalaýdy bastaǵanyn atap ótti.
– Úkimet kommýnaldyq jáne energetıkalyq ınfraqurylymdardy keń aýqymda modernızatsııalaýǵa kiristi. Jumys istep turǵan 37 jylý elektr stansasy jóndeldi, keıbirine jóndeý júrgizý josparlanyp otyr. Kókshetaý, Semeı jáne Óskemen qalalaryna tezdetip jańa jylý elektr ortalyqtaryn salý mindeti qoıyldy. Túrkistan men Qyzylorda oblystaryndaǵy bý-gaz qondyrǵylary bazasynda jańa elektr stantsııalary iske qosylmaq. Bıyl 440-tan asa qosalqy stantsııany jáne 17 myńnan astam shaqyrymdy quraıtyn elektr jelisin jańǵyrtý qarastyrylǵan. Qazaqstandy qýat kózimen jetkilikti qamtamasyz etýdiń jáne ekonomıkany ártaraptandyrýdyń basty faktory retinde atom energııasy óndirilmek. Elimizdiń azamattary 2024 jyly ótken referendýmda Qazaqstandaǵy alǵashqy atom elektr stantsııasyn salý jóninde strategııalyq sheshim qabyldady. Beıbit atom, sondaı-aq taza kómir óndirisi – elimizdiń energetıkalyq derbestigin qalyptastyratyn sala, - dedi Memleket basshysy.
Eske sala keteıik, buǵan deıin Memleket basshysy Qasym-Jomart Toqaev barlyq deńgeıdegi máslıhat depýtattarynyń ІІІ respýblıkalyq forýmynda sóz sóılegenin jazǵanbyz.