«Kókshetaý-Rýzaevka» avtojolynda eki kólik soqtyǵysyp, júrgizýshi mert boldy
KÓKShETAÝ. QazAqparat - Aqmola oblysynda eki kólik betpe-bet soqtyǵysyp, 29 jastaǵy kókshetaýlyq oqıǵa ornynda kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, jol-kólik oqıǵasy maýsymnyń 19-ynda keshki saǵat 20:45-te «Kókshetaý- Rýzaevka» avtojolynyń 17 shaqyrymda oryn alǵan.
«Anyqtalǵandaı, «Foltsvagen passat» kóligi joldyń qarsy baǵytyna shyǵyp ketip, «MAZ» júk kóligimen soqtyǵysqan. Saldarynan jeńil kóliktiń júrgizýshisi — 29 jastaǵy kókshetaýlyq oqıǵa ornynda kóz jumdy», - dedi vedomstvonyń baspasóz qyzmetindegiler.
Qazirgi kezde, oqıǵanyń máni-jaıy anyqtalýda.
