Kókshetaý-Rýzaev kúrejoly boıynda júrgizýshiniń máıiti tabyldy - Aqmola oblysy
KÓKShETAÝ. Qazannyń 18-i. QazAqparat /Janmurat Janaıdarov/ - Ótken senbi kúni keshkilik Aqmola oblysy aýmaǵyndaǵy Kókshetaý-Rýzaev kúrejoly boıynda "MAN" júk kóliginiń janynan júrgizýshiniń máıiti tabyldy.
Almaty oblysynan jolǵa shyqqan 1964 jyly týylǵan júrgizýshi júregi qysylyp, jol shetine toqtaǵan bolýy kerek. Jany qysylǵany týrasynda habarlasyp úlgermegen syńaıly. Oblystyq jol polıtsııasy basqarmasynan alynǵan derekter boıynsha jol ústinde ómirden ozǵan júrgizýshiniń máıiti medıtsınalyq saraptamaǵa jiberilgen. Kóligi oblys ortalyǵynda avtoturaqqa qoıyldy. Qazir tergeý amaldary qolǵa alynǵan.
