Kókshetaý polıtseılerine 20 jańa kólik syıǵa berildi
KÓKShETAÝ. QazAqparat - Aqmola oblysynyń ákimi Málik Myrzalın Jańa jyl merekesi qarsańynda Kókshetaý qalasy boıynsha ýchaskelik polıtsııa jəne jol-patrýldik polıtsııasy batalonynyń qyzmetkerlerine sý jańa 20 qyzmettik «Nıva» avtokóliginiń kiltin tabys etti, dep habarlaıdy QazAqparat tilshisi.
Táýelsizdik alańynda ótken saltanatty sharada aımaq basshysy óńirde jyldan jylǵa tártip saqshylarynyń materıaldyq-tehnıkalyq bazasy jaqsartylyp kele jatqanyn atap ótti.
«Búgingi kúni polıtseılerge el tynyshtyǵy men qoǵam qaýipsizdigin qamtamsyz etýde úlken mindetter júktelip otyr. Aqmola oblysynyń tártip saqshylary Elbasynyń alǵa qoıyp otyrǵan mindetterin abyroımen atqaryp keledi. Sońǵy ýaqytta oblys ákimdigi tarapynan jergilikti polıtsııa qyzmetiniń materıaldyq tehnıkalyq jaǵynan qamtylýyna barynsha qoldaý kórsetilip keledi»,- dedi aımaq basshysy.
Sonymen qatar, aımaq basshysy aldaǵy ýaqytta da osyndaı ıgi isterdiń jalǵasyn taýyp, memlekettik organdardyń avtoparkiniń nyǵaıtyla beretinin atap ótti.
Shara barysynda sap túzegen saqshylar men jańa qyzmettik kólikterdiń sherýi uıymdastyryldy.
