Kókshetaý polıtseıleri turǵyndardy tazalyqqa jáne tártipsizdikke jol bermeýge shaqyrýda
KÓKShETAÝ. QazAqparat - Kókshetaý polıtseıleri men qoǵam ókilderi turǵyndardy tazalyqqa jáne tártipsizdikke jol bermeýge shaqyrýda. Bul týraly oblystyq ІІD baspasóz qyzmetinen habarlady.
Polıtseılerdiń málimeti boıynsha, 28-30 qyrkúıek kúnderi aralyǵynda tártip saqshylary men qoǵam ókilderi birlesip, oblys aýmaǵynda «Quqyq buzýshylyq jáne tártipsizdikke nóldik tózimdilik» aktsııasyn ótkizdi. Atalǵan aktsııanyń basty maqsaty - turǵyndardyń usaq quqyq buzýshylyqtar men tártipsizdikterge jol bermeýin jáne quqyqtyq mádenıetin qalyptastyrý.
Aktsııa barysynda Kókshetaý qalalyq ІІB ýchaskelik ınspektorlary men jedel jastar otrıadynyń ókilderi kóshege shyǵyp, turǵyndardy tazalyqqa shaqyrdy. Ásirese, qala turǵyndaryna qoǵamdyq tártip pen tazalyqty buzǵandar ákimshilik jaýapkershilikke tartylatyny týraly úndeý qaǵazdar taratyldy.
«Bir táýliktiń ishinde 688 ákimshilik quqyq buzýshylyq tirkeldi. Onyń 506 jol qaýipsizdigi boıynsha anyqtalyp otyr. Osyǵan baılanysty, jalpy, 20 adam usaq tártipsizdik jasaǵany úshin QR ÁQbK 434-baby boıynsha jaýapkershilikke tartylsa, 79 quqyq buzýshylyq, ıaǵnı, qoǵamdyq jerde alkogoldik ishimdik ishý nemese mas kúıinde júrgeni úshin QR ÁQbK 440-baby boıynsha anyqtaldy.
Oǵan qosa, qoǵamdyq jerde temeki shekken 22 quqyq buzýshylyq tirkelip, qoǵam tynyshtyǵyn buzǵandarǵa qatysty 5 hattama toltyryldy. Sondaı-aq, abattanydyrý erejesin buzǵandarǵa qatysty 32 hattama, ıt pen mysyqty ustaý erejesin buzǵandarǵa qatysty 14 hattama toltyryldy. Budan basqa, kámelettik jasqa tolmaǵan balalardyń zańdy ókilderinsiz serýendep jáne túngi klýbtarǵa barýy, spırttik ishimdik iship alyp kólik tizgindegen júrgizýshilerde anyqtalyp, ákimshlik jaýapkershlikkek tartyldy», dep túsindirdi polıtseıler.
